काठमाडौं । सरकारले निजी दूरसञ्चार प्रदायक एनसेलको लाइसेन्स नवीकरण गर्ने निर्णय गरेको छ ।

बिहीबार बसेको मन्त्रिपरिषद्को बैठकले एनसेलको लाइसेन्स नवीकरण गर्ने निर्णय गरेको हो ।

स्रोतका अनुसार सरकारले पाँच वर्षका लागि एनसेलको लाइसेन्स नवीकरण गरेको छ । एनसेलले नवीकरणबापत तिर्नुपर्ने रकम चार किस्तामा बुझाउनुपर्ने छ ।

किस्ताहरू तिर्दा १० प्रतिशत ब्याज लिने निर्णयसमेत सरकारले गरेको छ । भदौ १५ गते एनसेलको जीएसएम सेलुलर मोबाइल सेवाको अनुमतिपत्र अवधि सकिँदै छ ।