एजेन्सी । पाकिस्तानका पूर्वप्रधानमन्त्री इमरान खानले बेलायतको अक्सफोर्ड विश्वविद्यालयको कुलपति बन्न उम्मेदवारी दिएका छन्।

आगामी अक्टोबरमा अक्सफोर्डमा पढेका विद्यार्थी र कर्मचारीले भोट हाल्ने निर्वाचनमा भाग लिन ७१ वर्षीय इमरानले आवेदन दिएका हुन् ।

उम्मेदवारीका लागि आवेदन दिने अन्तिम दिन आइतबार सकिएको छ। तर अक्सफोर्डले को-को उम्मेदवार भए भनेर जानकारी अक्टोबरमा मात्रै दिने भनेको छ।

इमरान अहिले राजनीतिक प्रतिशोधका लागि राज्यद्वारा लगाइएका विभिन्न मुद्दामा सजाय पाएर जेलमा छन्।