धादिङ । पोखराबाट बिरामी लिएर काठमाडौं आउँदै गरेको हेलिकप्टर धादिङमा आकस्मिक अवतरण गरिएको छ ।

मौसममा खराबीका आएका कारण कैलाश सर्भिसेजको हेलिकप्टर धादिङको थाक्रे गाउँपालिका–७ को आठकिलो भन्ने ठाउँमा सुरक्षित अवतरण गराइएको हो ।

कैलाश हेलिकप्टर सर्भिसेजको ९ एन–एएमएल हेलिकप्टर खाली चौरमा अवतरण गरिएको छ ।

उक्त हेलिकप्टर पोखराको मणिपाल अस्पतालबाट दमका बिरामी बोकेर काठमाडौंका लागि उडेको थियो ।