काठमाडौं । दुई दिने नेपाल भ्रमणमा रहेका भारतीय विदेश सचिव विक्रम मिस्रीले गृहमन्त्री रमेश लेखकसँग भेटवार्ता गरेका छन् ।

विदेश सचिव मिस्रीले गृहमन्त्री लेखकसँग आज विहान ११ बजे गृहमन्त्रालयमा शिष्टाचार भेटवार्ता गरेका हुन् ।

भेटमा गृहमन्त्री लेखकले दुई देशबीच सधैँ सौहार्दपूर्ण सम्बन्ध रहिआएको र आगामी दिनमा सम्बन्ध थप विस्तार र सुदृढ हुने विश्वास व्यक्त गरेका थिए।

उनले नेपालको पूर्वाधार विकासलगायत क्षेत्रमा भारत महत्वपूर्ण विकास साझेदार रहेको बताए ।

गत असार १४ गते भारतको विदेश सचिवमा नियुक्त भएका मिश्रि पहिलोपटक नेपाल भ्रमणमा आएका हुन्।

उनी विदेश सचिव भएपछि यसअघि भुटानको भ्रमण गरेका थिए।