काठमाडौं । ग्लोबल टी-२० क्यानडा लिगमा नेपाली क्रिकेट टिमका अलराउन्डर दीपेन्द्र सिंह ऐरी र लेग स्पिनर सन्दीप लामिछाने सम्मिलित भेनकुवर नाईट्स फेरी पराजित भएको छ ।

भेनकुवर नेपालका कप्तान रोहित कुमार पौडेल सम्मिलित टोरोन्टो नेसनल्ससँग १९ रनले पराजित भएको हो ।

आइतबार बिहान भएको खेलमा टोरोन्टोले दिएको १ सय २८ रनको लक्ष्य पछ्याएको भेनकुवरले १८.५ ओभरमा अल आउट हुदै १ सय ८ रन मात्र बनायो ।

नेपालका दीपेन्द्रले १३ रन र सन्दीप लामिछानेले एक विकेट लिए । सन्दीप र दीपेन्द्र आबद्ध भेनकुवरको अर्को खेल सोमबार रहेको छ ।