काठमाडौं । एक साताअघि विमान दुर्घटनामा घाइते भएका सौर्य एयरलाइन्सका पाइलट मनीषरत्न शाक्य अस्पतालबाट डिस्चार्ज भएका छन् ।

सिनामंगलस्थित काठमाडौं मेडिकल कलेजले उनलाई बिहीबार बेलुका डिस्चार्ज गरेको हो । काठमाडौँबाट पोखरा जान लागेको सौर्य एयरलाइन्सको विमान उडेलगत्तै विमानस्थलभित्रै दुर्घटनामा परेको थियो ।

दुर्घटनामा १८ जनाको मृत्यु भएको थियो । दुर्घटना भएको विमान कन्टेनरमा ठोक्किँदा ककपिटतर्फको भाग टुक्रिएको थियो ।

ककपिटमा ठुलो क्षति नहुँदा पाइलट शाक्य बाँच्न सफल भएका हुन । उनको हड्डी भाँचिएको थियो । दुर्घटनाकै दिन उनको अप्रेसन गरिएको थियो ।