गोरखा । घरमा रहेको अरिङ्गालको गोला चोरी भएपछि वडा कार्यालयमा उजुरी परेको छ।

घरको सिलिङमा रहेको अरिङ्गालको गोलामा आगो लगाएर चोरी गरेको भन्दै गोरखाको शहिदलखन गाउँपालिका वडा नम्बर ७ मा उजुरी परेको हो।

वडा सदस्यसमेत रहेका डिलबहादुर गरन्जाको घरमा गत साउन ९ गते राति आगो लगाएर अरिङ्गालको गोला चोरी भएको थियो।

अरिङ्गाललाई आगो लगाउँदा आफूले हालसालै घरमा लगाएको रङमा समेत क्षति पुगेको गरन्जाले वडा कार्यालयमा दिएको उजुरीमा उल्लेख छ।