रौतहट । स्रोत नखुलेको नेपाली रुपैयाँसहित एक भारतीय नागरिकलाई रौतहट प्रहरीले पक्राउ गरेको छ ।

पक्राउ पर्नेमा भारतको सितामढी बैरगनिया–८ असोगीका ४७ वर्षीय प्रदीपकुमार बर्मा रहेका छन् ।

उनी नेपालतर्फ आउँदै गरेको बिआर ३० एसी ७९१४ नम्बरको भारतीय मोटरसाइकललाई जाँच गर्ने क्रममा ४ लाख ४० हजार स्रोत नखुलेको रकमसहित पक्राउ परेका थिए ।

बर्माले रकम मोटरसाइकलको भाईजरभित्र लुकाई ल्याएका थिए ।

मोटरसाइकल र पक्राउ परेका बर्मालाई कारबाहीका लागि गौर भन्सार कार्यालय बुझाइएको सशस्त्र प्रहरी रौतहटले जनाएको छ।