काठमाडौँ । बंगलादेशबाट एक हजार चार सय नेपाली विद्यार्थी स्वदेश फिर्ता भएका छन् ।

मंगलबारसम्म ४७ जना नेपाली विद्यार्थी त्रिभुवन विमानस्थल हुँदै नेपाल आएसँगै १४ सय विद्यार्थी स्वदेश फिर्ता भएका हुन् ।

सामाजिक सञ्जालमार्फत परराष्ट्रमन्त्री आरजु राणा देउवाले मंगलबारसम्म करिब १४ सय विद्यार्थी स्वदेश फर्किएको जानकारी दिइन् ।

ढाकास्थित नेपाली दूतावासले नेपाल फर्कन चाहने विद्यार्थीको यात्रा सहज बनाउन सम्बन्धित निकायसँग समन्वय गरिरहेको समेत उनले बताइन् ।

बंगलादेशमा केही दिनयता आरक्षण कोटाविरुद्धको आन्दोलन चर्किएपछि नेपाली विद्यार्थीहरू स्वदेश फर्किने क्रम जारी छ ।