काठमाडौँ । नेकपा (एकीकृत समाजवादी) ले केन्द्रीय कमिटी बैठक बोलाएको छ । साउन १० गतेका लागि आह्वान गरेको छ ।

पार्टी केन्द्रीय कार्यालय आलोकनगरमा साउन १० गते बिहान ११ बजेका लागि बैठक बोलाइएको हो ।

बैठकले पार्टीमा केन्द्रीय कमिटीलाई पूर्णता दिन कार्यविधि तथा मापदण्ड बनाउने, कमिटीलाई पूर्णता दिएपछि मात्रै पदाधिकारी चयन गर्नेलगायत विषयमा छलफल हुनेछ ।

केन्द्रीय सदस्यका लागि सबै प्रदेशले केन्द्रमा पठाएको सिफारिसका आधारमा नेताहरूको योगदान र क्षमताको मूल्याङ्कन गरी सन्तुलन मिलाएर मनोनयन गरिने बताइएको छ । पार्टीमा दुई सय छ केन्द्रीय सदस्य पद रिक्त छन् ।