एजेन्सी । स्कटल्यान्डका चार्ली क्यासलले डेब्यू एकदिवसीय अन्तर्राष्ट्रिय खेलमा उत्कृष्ट बलिङ गर्ने विश्वकीर्तिमान बनाएका छन्।

आइसिसी विश्वकप लिग २ अन्तर्गत ओमानविरूद्धको डेब्यू खेलमा उनले ७ विकेट लिएका हुन्।

उनले घरेलु मैदानमा भएको खेलमा ५.४ ओभरमा १ मेडन राख्दा २१ रन मात्र खर्चिए।

यसअघि एकदिवसीय खेलको डेब्यूमा उत्कृष्ट बलिङको रेकर्ड दक्षिण अफ्रिकाका कागिसो रबडाको नाममा थियो।

उनले सन् २०१५ मा बंगलादेशविरुद्ध डेब्यू खेलमा ६ विकेट लिँदा ८ ओभरमा १६ रन मात्र खर्चिएका थिए।

तीव्र गतिका बलर चार्लीले उत्कृष्ट बलिङ गर्दा पहिले ब्याटिङ गरेको ओमान २१.४ ओभरमा ९१ रनमै अलआउट भएको थियो।

जुन लक्ष्य स्कटल्यान्डले २ विकेटको क्षतिमा १७.२ ओभरमै पूरा गर्‍यो।