धनकुटा । धनकुटामा यात्रुबाहक बस र दुध बोक्ने टयांकर एकापसमा ठोक्किँदा १२ यात्रु घाइते भएका छन् ।

धनकुटा नगरपालिका-१ सुकेपोखरीनजिक शुक्रबार यात्रुबाहक बस र दुध बोक्ने टयांकर एकापसमा ठोक्किँएका हुन् ।

धरानबाट संखुवासभाको आँखीभुईंतर्फ जाँदै गरेको बा २ ख ७२४७ नम्बरको बस र विपरीत दिशाबाट धनकुटातर्फ आउँदै गरेको को १ च १५३१ नम्बरको दुध बोक्ने ट्यांकर एकापसमा ठोक्किएर दुर्घटना भएको प्रहरीले जनाएको छ ।

घाइतेहरुको धनकुटा जिल्ला अस्पतालमा उपचार भइरहेको छ ।

घाइते सबैको अवस्था सामान्य रहेको जिल्ला प्रहरी कार्यालय धनकुटाले जनाएको छ ।

घाइते अधिकांशको अनुहार, हात र खुट्टामा चोट लागेको छ ।