काठमाडौं । इंग्ल्याण्ड युरोकप फुटबलको फाइनलमा प्रवेश गरेको छ ।

आज बिहान जर्मनीको इडुना पार्क स्टेडियममा भएको खेलमा नेदरल्याण्ड्सलाई २–१ गोलले हराउँदै इंग्ल्याण्ड उपाधि नजिक पुगेको हो ।

खेलमा अग्रता भने नेदरल्याण्ड्सले लिएको थियो । सातौँ मिनेटमा जाभी सिमोन्सले गोल गरेर नेदरल्याण्ड्लाई अग्रता दिलाएका थिए । तर खेलको १८ औँ मिनेटमा ह्यारी केनले गोल गर्दै खेललाई बराबरीमा ल्याए । त्यस्तै ९० औँ मिनेटमा ओल्ली वाटकिन्सले गोल गरेर इंग्ल्याण्डलाई विजयी बनाए ।

अब उपाधिको लागि इंग्ल्याण्ड र स्पेनबीच आउँदो आइतवार राति खेल हुनेछ ।