काठमाडौं । लागूऔषध नियन्त्रण ब्यूरोले एक किलो २४७ ग्राम कोकिनसहित दुई तान्जिनियन नागरिकलाई पक्राउ गरेको छ ।

उनीहरुलाई लागूऔषध नियन्त्रण ब्यूरोले ठमेलस्थित एक होटलबाट नियन्त्रणमा लिएको हो । पक्राउ पर्नेमा रमाधानी सिम्बा मवाबुमा र तलिब किपेभु पसुवा रहेका छन् ।

उनीहरूले कोकिन लुकाइएको ७२ वटा प्लाष्टिक कोटेड क्याप्सुल निलेर आएका थिए ।

उक्त क्याप्सुल इथियोपियाको अदिस अबाबाबाट निलेर नेपाल आएको प्रहरी अनुसन्धानबाट खुलेको छ ।

शौचमार्फत कोकिन निकालेर बसेको अवस्थामा प्रहरीले उनीहरुलाई पक्राउ गरिएको ब्यूरोले जनाएको छ ।

बरामद कोकिनको अन्तर्राष्ट्रिय अवैध बजार मूल्य करिब ४ करोड ७३ हुने ब्यूरोको दाबी छ।