काठमाडौं । ललितपुर महानगरपालिकाले अख्तियार दुरुपयोग अनुसन्धान आयोगकी आयुक्तको घरमा डोजर चलाएको छ।

ललितपुर महानगरले अख्तियारकी आयुक्त सुमित्रा अमात्यको घरको पर्खाल डोजर लगाएर भत्काएको हो ।

वडानम्बर १० चाकुपाटस्थित आयुक्त अमात्यले सम्पदाको जग्गा मिचेर पर्खाल लगाएकी थिइन्।

आयुक्तको परिवार र गुठीयारसँग छलफल गर्दा पनि जग्गा खाली नगराएपछि डोजर चलाएको महानगरले जनाएको छ।

स्थानीयले मन्दिरको जग्गा मिचेको भन्दै ललितपुर महानगरपालिकामा उजुरी दिनुका साथै अतिक्रमण हटाउन माग गर्दै आएका थिए ।