एजेन्सी । साविक विजेता इटाली जर्मनीमा जारी युरोकप फूटबल प्रतियोगिताको अन्तिम १६ बाटै बाहिरिएको छ ।

शनिवार राति बर्लिनमा भएको खेलमा स्विट्जरल्यान्डसँग २–० गोल अन्तरले पराजित हुँदै इटाली प्रिक्वार्टरफाइनलबाटै बाहिरिएको हो । स्विट्जरल्यान्डको जितमा रेमो फ्रेउलेर र रुबेन भार्गासले गोल गरे ।

यससँगै स्विट्जरल्यान्ड प्रतियोगिताको क्वार्टरफाइनलमा प्रवेश गरेको छ ।

गत संस्करणको युरोकपमा पनि स्विट्जरल्यान्डले तत्कालीन विश्वविजेता फ्रान्सलाई हराएर अन्तिम १६ बाटै घर फर्काएको थियो ।