काठमाडौं । दयाहाङ राई र मिरुना मगरको शीर्ष भूमिका रहेको फिल्म ‘घरज्वाइँ’ को ट्रेलर सार्वजनिक भएको छ ।

ट्रेलरले मिरुनालाई पाउन दयाहाङले गरेको संघर्ष प्रस्तुत गरेको छ ।

फिल्ममा दयाहाङ, मिरुना, शिशिरका साथै बुद्धि तामाङ, पुष्कर गुरुङ, कविता आले मगर, अनु थापा लगायतले अभिनय गरेका छन् ।

पूर्वी रुकुमस्थित तकसेराको मगर गाउँमा खिचिएको यो फिल्मले मगर समुदायको संस्कृतिको कथा रहेको छ ।

फिल्मलाई अनिल बुढा मगरले निर्देशन गरेका हुन् । फिल्ममा सुशन प्रजापतिको छायांकन र कृष्ण भण्डारीको सम्पादन छ ।