काठमाडौं । साविक विजेता इटाली युरो कप २०२४ को अन्तिम १६ मा पुगेको छ । गएराति क्रोएसियाविरुद्ध अन्तिम मिनेटमा बराबरी गोल गर्दै इटाली नकआउट चरणमा पुगेको हो ।

५५औं मिनेटमा लुका मोड्रिचको गोलमा क्रोएसियाले अग्रता लिएको थियो ।

इन्ज्युरी समयको आठौं मिनेटमा माटिया जाकाग्नीले गोल गरेपछि समूहको उप विजेताका रूपमा इटाली अन्तिम १६ मा पुगेको हो ।

इटालीको ३ खेलमा ४ अंक छ । क्रोएसियाको ३ खेलमा २ अंक रहेको छ ।