एजेन्सी । युरोकप फुटबल प्रतियोगितामा टर्कीलाई ३–० गोलले हराउँदै पोर्चुगल नकआउट चरणमा प्रवेश गरेको छ ।

गएराति भएको खेलमा क्रिस्टियानो रोनाल्डोको कप्तानीमा रहेको पोर्चुगलको यो लगातार दोस्रो जित हो । पोर्चुगलले दुई खेलबाट ६ अंक बटुलिसकेको छ ।

जितसँगै पोर्चुगल समूह ‘एफ’ बाट प्रतियोगिताको नकआउट चरणमा पुगेको हो ।

दुई खेल खेलेको टर्की भने तीन अंकसहित दोस्रो स्थानमा छ । टर्कीको पनि नकआउट चरणमा पुग्ने सम्भावना कायमै छ ।