अछाम । छाउगोठमा बसेकी एक किशोरी बलात्कृत भएकी छिन् । जिल्लाको पञ्चदेवल विनायक नगरपालिकाकी १६ वर्षीया किशोरीलाई सोमबार राति सामूहिक बलात्कृत भएको हो ।

किशोरी बलात्कारको आरोपमा स्थानीय १७ वर्षीय किशोरलाई पक्राउ गरिएको जिल्ला प्रहरी कार्यालय अछामले जनाएको छ ।

पञ्चदेवल विनायक नगरपालिकामा मामाघरमा बस्दै आएकी १६ वर्षीया किशोरी मामाघरको नजिक रहेको छाउगोठमा मङ्गलवार बिहान अचेत अवस्थामा भेटिएकी थिइन्।

उनी ११ वर्षदेखि मामाघरमै बस्दै आएकी थिइन् । अछाम जिल्ला अस्पतालमा गरिएको स्वास्थ्य परीक्षणमा उनी बलात्कृत भएको पुष्टि भएको थियो।

अस्पतालमा उपचार पश्चात् होसमा आएकी ती किशोरीले आफू माथि ३÷४ जनाले बलात्कार गरेको बताएकी थिइन । प्रहरीले घटनाको अनुसन्धान थालेको छ ।