काठमाडौं । प्रहरीको केन्द्रीय अनुसन्धान ब्यूरो (सीआईबी)ले करिब ६ किलो सुनसहित चिनियाँ नागरिकलाई पक्राउ गरेको छ।

सीआईबीले गएराति काठमाडौंको कपनबाट चिनियाँ नागरिकलाई सुन र नगदसहित पक्राउ गरेको हो।

उनको साथबाट सीआईबीले नगद ४८ लाख रुपैयाँ पनि बरामद गरेको छ।

बरामद गरिएको सुन अन्दाजी ६ किलो रहेको सीआईबी स्रोतले बतायो।

सुनको नापजाँच बाँकी रहेकाले सिआइबीले सुन र पक्राउ परेका व्यक्तिबारे तत्काल केही खुलाएको छैन।

पक्राउ परेका चिनियाँ नागरिक यसअघि पनि सुन तस्करीमा संलग्न रहेर प्रहरीको खोजी सूचीमै रहेको व्यक्ति रहेको सीआईबी स्रोतले बतायो।