काठमाडौं । काठमाडौं उपत्यकामा आइतबार पेट्रोलियम पदार्थको हाहाकार भएको छ । अधिकांश पेट्रोल पम्पहरू बन्द भएपछि पेट्रोलियम पदार्थको अभाव देखिएको हो ।

शनिबारदेखि ट्यांकर चालकहरूले विभिन्न माग राखेर आन्दोलन गरेपछि पेट्रोलियम पदार्थ अभाव देखिएको नेपाल आयल निगमले जनाएको छ ।

चालकहरूले पेट्रोलियम पदार्थ बोक्ने ट्यांकर चलाएका छैनन् । त्यस कारण पेट्रोलियम पदार्थ पम्पहरूसम्म पुग्न नसकेको बताइएको छ । नेपाल पेट्रोलियम ट्यांकर चालक संघले सातबुँदे माग राख्दै शनिबारदेखि आन्दोलन सुरू गरेको थियो ।

आफूहरूले लामो समयदेखि अत्यावश्यक सेवासुविधा बिनै लामो समयदेखि नेपाल आयल निगममा काम गरेको भन्दै उनीहरूले विरोध जनाएका छन् ।