काठमाडौं । बचतकर्ताको रकम अपचलन गरेको आरोपमा प्रहरीले कृषि विकास बहुउद्देश्यीय सहकारी संस्थाका सञ्चालकसहित चार जनालाई पक्राउ गरेको छ ।

काठमाडौं उपत्यका अपराध अनुसन्धान कार्यालयको टोलीले सहकारीका सञ्चालक तेजविक्रम थापासहित चार जनालाई पक्राउ गरेको हो ।

प्रहरीले घटनाबारे जानकारी दिन आज पत्रकार सम्मेलन गर्दै छ । समस्याग्रस्त सूचीमा रहेको सहकारीले बचतकर्ताको ९५ करोड रुपैयाँ अनियमितता गरेको उजुरी परेको छ ।

तर, संस्थागत रूपमा दुई अर्ब बढी अपचलन गरेको दाबी छ ।