विराटनगर । मोरङमा जंगली हात्तीको छावा मृत भेटिएको छ ।

मोरङको सुन्दरहरैंचा-६ मा जंगली हात्तीको बच्चा मृत भेटिएको हो।

स्थानीय दुर्गा मन्दिर टोल नजिक भक्तराज लिम्बुको केरा बगानभित्र भाले छावा मृत फेला परेको लाटीझोडा सब डिभिजन वन कार्यालयले जनाएको छ ।

अन्दाजी ५/६ वर्षको जस्तो देखिने हात्तीको छावा कसरी केरा बगानभित्र पुग्यो र मृत्यु भयो भन्ने यकिन हुन बाँकी रहेकोछ ।

छावाको सुँडको छेउमा सामान्य चोट देखिएको सब डिभिजन वन कार्यालयले जनाएको छ ।