काठमाडौं । नेपालमा आज थप १ हजार २२१ जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको कुल संख्या ३८ हजार ५६१ पुगेको स्वास्थ्य तथा जनसंख्या मन्त्रालयले जनाएको छ ।

नियमित प्रेस ब्रिफिङमा मन्त्रालयका प्रवक्ता प्रा.डा. जागेश्वर गौतमले नेपालमा पछिल्लो २४ घण्टामा ३४८ महिला र ८७३ पुरूष गरी १ हजार २२१ जनामा कोरोना भाइरसको संक्रमण पुष्टि भएको जानकारी दिए ।

पछिल्लो २४ घण्टामा थप २६७ जना कोरोना संक्रमण मुक्त भएका छन् । योसँगै नेपालमा कोरोना संक्रमण मुक्त भई अस्पतालबाट डिस्चार्ज हुनेको संख्या २० हजार ८३३ पुगेको छ ।

नेपालमा अहिलेसम्म कोरोना भाइरस संक्रमणबाट २२१ जनाको मृत्यु भएको छ । आज मात्रै १४ जनाको मृत्यु भएको मन्त्रालयले पुष्टि गरेको छ ।