एजेन्सी । भारतीय राष्ट्रिय कंग्रेसका नेता राहुल गान्धीले गठबन्धनमा सल्लाह गरेर सरकार बनाउने प्रयास गर्ने बताएका छन् ।

मंगलवार दिल्लीमा आयोजित पत्रकार सम्मेलनमा सरकार बनाउनेबारे सोधिएको प्रश्नको जवाफ दिँदै उनले यस्तो बताएका हुन् ।

उनले बुधवार बस्ने बैठकले सबै निर्णय गर्ने बताए । करिब २ महिना चलेको भारतको लोकसभाको निर्वाचनको मतगणना मंगलवार बिहानदेखि चलिरहेको छ ।

प्रारम्भिक तथ्यांकअनुसार कंग्रेस नेतृत्वको इन्डिया गठबन्धनले २ सय ३५ को हाराहारीमा सिट जित्ने अनुमान गरिएको छ भने भाजपा नेतृत्वको एनडीए गठबन्धनले २ सय ९५ सिटभन्दा माथि जित्ने आंकलन गरिएको छ ।