गुल्मी । गुल्मीमा जिप दुर्घटना हुँदा एक जनाको मृत्यु भएको छ ।

दुर्घटनामा परेर सत्यवती गाउँपालिका वडा नम्बर ८ भार्से निवासी ३२ वर्षकी कमला बुढाथोकीको मृत्यु भएको हो ।

सोमबार बिहान कालिगण्डकी गाउँपालिका ४ ओक्याङमा चन्द्रकोटबाट पुर्तिघाटतर्फ जाँदै गरेको ग २ च ३२६२ नम्बरको जिप दुर्घटना भएको थियो ।

जिपमा ८ जना सवार थिए । त्यस्तै दुर्घटनामा परेर ७ जना घाइते भएका छन् ।

घाइते ७ जनामध्ये ४ जनाको अवस्था गम्भीर रहेको जिल्ला प्रहरी कार्यालय गुल्मीले जनाएको छ ।

घाइते सबैलाई थप उपचारको लागि पाल्पा पठाइएको छ ।