काठमाडौं । पर्यटन विकास आयोजना इकाई कार्यालय काठमाडौंका दुईजना सव-इन्जिनियर घुस रकमसहित पक्राउ परेका छन् ।

अख्तियार दुरुपयोग अनुसन्धान आयोगको टोलीले उनीहरूलाई घुससहित शुक्रबार रंगेहात पक्राउ गरेको हो । पक्राउ पर्नेमा सव-इन्जिनियरद्वय राजन कुमार भट्टराई र संजय अर्याल रहेका छन् ।

उनीलाई काठमाडौंको नयाँ बानेश्वरस्थित कार्यकक्षबाटै पक्राउ गरिएको अख्तियारका सहायक प्रवक्ता देवी प्रसाद थपलियाले जानकारी दिए । उनीहरूले सेवाग्राहीसँग १७ हजार घुस लिएपछि अख्तियारको टोलीले पक्राउ गरेको उनले बताए ।

मन्दिर निर्माणको भुक्तानी प्रक्रियामा सहजीकरण गरिदिन भन्दै उनीहरूले घुस लिएका थिए । उनीहरुमाथि थप अनुसन्धान भइरहेको अख्तियारले जनाएको छ ।