काठमाडौं । प्रधानमन्त्री पुष्पकमल दाहाल ‘प्रचण्ड’ले तत्काल गठबन्धन सरकार तलमाथि नहुने बताएका छन् ।

नेकपा माओवादी केन्द्रको संसदीय दलको बैठकलाई शुक्रबार सम्बोधन गर्दै प्रधानमन्त्री प्रचण्डले यस्तो बताएका हुन् ।

एकीकृत समाजवादी पार्टी दायाँबायाँ लाग्ने हो कि भन्नेमा कुनै द्विविधा नपाल्न प्रधानमन्त्री प्रचण्डले सांसदहरुलाई आग्रह गरे।

प्रधानमन्त्री प्रचण्डले भने,’गठबन्धन तलमाथि हुँदैन । एकढिक्का भएर जान्छ । माधव कमरेडको कुनै समस्या हुँदैन । कुराकानी भइरहेको छ, बजेटको डिफेन्स गर्नुस् ।’

प्रधानमन्त्री प्रचण्डले एकीकृत समाजवादीका अध्यक्ष माधव नेपाल आफ्नै सल्लाहमा विपक्षी दलको बैठकमा सहभागी भएको समेत बताए ।