एजेन्सी । अमेरिकी हिपहप स्टार निकी मिनाज सिफोल विमानस्थलबाट पक्राउ परेकी छन् ।

‘पिंक फ्राइडे २’ नामक वर्ल्ड टुरका लागि उनी नेदरल्यान्ड्सबाट बेलायतको म्यानचेस्टर जान लागेकी थिइन् । लगेजमा गाँजा रहेको भन्दै प्रहरीले विमानस्थलमा पक्राउ गरेको हो।

प्रहरीले पक्राउ गरेपछि उनले भिडियो खिच्दै आफूलाई प्रहरीको गाडीमा प्रहरी सेलतर्फ लैजान लागेको बताएकी छन् ।

इन्स्टाग्राम लाइभमा सेयर गरिएको भिडियोमा निकीले लगेजमा गाँजा छ भन्ने प्रहरी अधिकारीसँग भनाभन गरिरहेको देखिन्छ ।

त्यसपछि प्रहरी अधिकारीले उनलाई प्रहरी स्टेसनतर्फ लैजान लागिएको बताएका छन् ।

प्रहरी अधिकारीले उनलाई भिडियो खिच्न रोक्न भनेपछि उनलाई भ्यानभित्र राखिएको थियो ।

आफ्नो विश्वव्यापी सांगीतिक टुरअन्तर्गत मिनाजले बेलायतको म्यानचेस्टरमा प्रस्तुति दिने कार्यक्रम थियो ।

तर पक्राउपछि उनको पूर्वनिर्धारित कन्सर्ट सरेको छ ।