एजेन्सी । भारतको राजधानी दिल्लीस्थित एक बाल अस्पतालमा आगलागी हुँदा ७ जना नवजात शिशुको मृत्यु भएको छ ।

शनिबार राति पूर्वी दिल्लीको विवेक बिहारस्थित एक बेबी केयर सेन्टरमा आगलागी भएको हो ।

भारतका सञ्चारमाध्यमहरूका अनुसार आगलागीमा परेर घाइते भएका ५ जना नवजात शिशु​को अहिले भेन्टिलेटरमा राखेर उपचार भइरहेको छ ।

१२ जना नवजात शिशुको भने सकुशल उद्धार गरिएको छ । आगलागीको कारण अहिलेसम्म खुलेको छैन ।