धनुषा । धनुषाको एक क्रसर उद्योगमा युवकको शव फेला परेको छ ।
क्रसरको फित्तामा टाउको फसेको अवस्थामा धनुषाको गणेशमान चारनाथ नगरपालिका-६ मा स्थानीय गोदरका २० वर्षीय अर्जुन यादवको शव फेला परेको हो ।
मजदुरी गर्दै आएका यादवको शव ढुंगा फोड्ने मेसिनको फित्तामा टाउको च्यापिएको अवस्थामा फेला परेको जिल्ला प्रहरी कार्यालय धनुषाले जनाएको छ ।
त्यहीँ काम गरिरहेका बाराको निजगढ घर भएका ४५ वर्षीय खेमकुमार मगर अवस्थामा भेटिएका छन् ।
मगरको अवस्था सामान्य रहेको र गोदारस्थित निजी अस्पतालमा उपचार भइरहेको प्रहरीले जनाएको छ।
मृतक यादवको शव पोष्टमर्टमका लागि प्रादेशिक अस्पताल जनकपुरमा राखिएको छ। घटनाबारे थप अनुसन्धान भइरहेको प्रहरीले जनाएको छ।
Leave a Reply