सुर्खेत । सुर्खेतमा मिनिबस दुर्घटना हुँदा दुई जनाको मृत्यु भएको छ।

दैलेखको दुल्लु नगरपालिका–११ भुकाहाबाट सुर्खेत आउँदै गरेको मिनी बस दुर्घटना हुँदा दुई जनाको मृत्यु भएको हो।

कर्णाली प्रदेश ०२ ००१ ख ०८५२ नम्बरको मिनिबस सुर्खेतको वीरेन्द्रनगर नजिकै सुर्खेत-दैलेख सडक खण्डमा दुर्घटनामा परेको जिल्ला प्रहरी कार्यालय सुर्खेतले जनाएको छ ।

मृतकको सनाखत हुन सकेको छैन। दुर्घटनामा १६ जना घाइते भएको जिल्ला प्रहरी कार्यालय सुर्खेतले जनाएको छ।

घाइतेको कर्णाली केयर अस्पताल र प्रदेश अस्पताल सुर्खेतमा उपचार भइरहेको छ।