काठमाडौं । नेपाली कांग्रेसका महामन्त्री गगन थापाले गृहमन्त्री रवि लामिछानेलाई नधम्क्याउन आग्रह गरेका छन् ।

आइतबार साँझ नयाँ बानेश्वरस्थित संसद् भवनको ल्होत्से हलमा पत्रकार सम्मेलन गर्दै महामन्त्री थापाले गृहमन्त्री रवि लामिछानेलाई नधम्क्याई फाइल खोलेर देखाउन चुनौती दिएका हुन् ।

उनले फाइल खोलौँ, खोलौँ भन्दै नधम्क्याई फाइल खोलेर देखाउन चुनौती दिए । संसदमा बोल्दै गृहमन्त्री लामिछानेले कांग्रेस नेताहरूको नामै किटेर भ्रष्टाचारका फाइल खोल्नपर्ने हो ? भन्दै प्रश्न गरेका थिए।

जसको जवाफमा थापाले भनेका छन्, ‘फाइल खोलौँ, खोलौँ भनेर धम्काउने होइन के, छानबिन गरौँ, गरौँ भन्ने होइन।’