तिलोत्तमा । रुपन्देहीको बुटवलस्थित कोरोना विशेष अस्पतालमा उपचाररत थप एक जना कोरोना संक्रमितको मृत्यु भएको छ ।

अस्पतालका फोकल पर्सन डा. सुदर्शन थापाले गत भदौ ५ गते अस्पतालमा भर्ना भएका कपिलवस्तु–१ तौलिहवाका ५० वर्षीय पुरुषको बुधबार राति १०:४५ बजे मृत्यु भएको बताए ।
उनका अनुसार भर्ना भएको अर्को दिनबाटै भेन्टिलेटरमा राखेर उपचार गरिएको थियो तर बिरामीलाई उच्च रक्तचाप, मधुमेह र मिर्गौलामा समस्या भएकाेले स्वास्थ्यमा बढी समस्या अाएकाे थियाे।

यसअघि मृतकलाई मुटु अस्पतालमा राखी डायलसिस गरिराखिएको र कोरोना संक्रमण पुिष्ट भएपछि कोरोना विशेष अस्पतालमा राखी उपचार गरिएको थापाले बताए ।