काठमाडौं । त्रिभुवन अन्तर्राष्ट्रिय विमानस्थलबाट पाँच किलो सुनसहित दुईजना भारतीय नागरिक  पक्राउ परेका छन् । 

विमानस्थल प्रहरी कार्यालय स्रोतका अनुसार फ्लाई दुबईबाट आइतबार साँझ  पौने ७ बजे आएका भारतीय नागरिक  सुरेश कुमार र  मोहन कुमार गणेशन पक्राउ परेका हुन् ।

उनीहरुले कपडामा सुनको लेप लगाएर आएको र चेक जाँच गर्ने क्रममा पक्राउ परेको बताइएको छ ।

उनीहरुलाई अहिले गौशाला प्रहरी कार्यालयमा राखिएको छ । आजै थप अनुसन्धानका लागि भन्सार कार्यालयमा बुझाइने बताइएको छ ।