काठमाडौं । जनता समाजवादी पार्टी जसपा नेपालका अध्यक्ष उपेन्द्र यादवले केही व्यक्तिहरूले अत्यधिक महत्वाकांक्षी र व्यक्तिगत स्वार्थका कारण पार्टी विभाजन भएको बताएका छन् ।

बुधबार काठमाडौंमा पत्रकार सम्मेलन गरेर अध्यक्ष यादवले व्यक्तिगत स्वार्थबाट प्रेरित व्यक्तिहरूले फाइदा उठाएर पार्टी विभाजनको घोषणा गरेको बताएका हुन् ।

उनले सरकार ढाल्ने विषयमा आफूले कांग्रेसका नेताहरूसँग छलफल नगरेको पनि दाबी गरे।

अध्यक्ष यादवले भने,‘संयोग नै मान्नुपर्छ यो सरकार बनेपछि मैले कांग्रेसका एक जना नेतालाई भेटेको छैन । सँगै बसेर एक कप चिया पनि खाएको छैन,’ संघीयताको रक्षा र सरकारको स्थायित्वको लागि यही सरकारलाई समर्थन गर्नुपर्छ भन्नेमा पहिले पनि थिएँ। समर्थन यथावत् छ।’

निर्वाचन आयोगले अवैधानिक तरिकाले नयाँ दल निर्माणको प्रमाणपत्र दिएको भन्दै यसविरूद्ध अदालतमा जाने बताए।