गुल्मी । गुल्मीमा घाँस काट्ने क्रममा लडेर एक महिलाको मृत्यु भएको छ।

रेसुङ्गा नगरपालिका -२ छापटोलाकी ४३ वर्षीय खुमकला थापाको लडेर मृत्यु भएको हो ।

मृतक थापा बिहीबार श्रीमानसँगै घाँस काट्न रेसुङ्गा नगरपालिका-३ दहडाँडामा गएकी थिइन्।

दिउँसो ४ बजे घाँस काट्ने क्रममा लडेपछि उनलाई उपचारको लागि तम्घासस्थित गुल्मी अस्पताल ल्याइएको थियो।

उपचारको क्रममा अस्पतालले थापालाई मृत घोषणा गरेको जिल्ला प्रहरी कार्यालय गुल्मीले जनाएको छ।