काठमाडौं । नेपालले तेस्रो टी-२० खेलमा वेस्टइन्डिज ‘ए’विरुद्ध टस हारेर पहिला फिल्डिङको निम्तो पाएको छ ।

कीर्तिपुरस्थित त्रिवि क्रिकेट मैदानमा भएको टसमा वेस्टइन्डिजका कप्तान रोश्टन चेशले टस जितेर ब्याटिङ रोजेका हुन् ।

नेपालको कप्तानी भने दीपेन्द्रसिंह ऐरीले गर्नेछन् ।

आज नियमित कप्तान रोहित पौडेललाई विश्राम दिइएको छ ।  पाँच खेलको सिरिज १/१ को बराबरीमा छ ।

खेलमा नेपालले कप्तानसहित चार खेलाडी परिवर्तन गरेको छ। आजको टिममा विनोद भण्डारी, करण केसी, विवेक यादव र कमलसिंह ऐरी रहेका छन्।

अघिल्लो खेल खेलेका रोहित पौडेल, सोमपाल कामी, आकाश चन्द र कुशल भुर्तेल बाहिरिएका छन्।