कपिलवस्तु । कपिलवस्तुको वाणगंगा नगरपालिका –८ ढोडेकोलमा श्रीमान्–श्रीमती मृत फेला परेका छन् ।

६० वर्षका श्रीमान् टेकलाल भुसाल र ५५ वर्षकी श्रीमती जुठी भुसाल घरभित्रै मृत फेला परेका हुन् ।

मृतक श्रीमान् भर्‍याङमा झुन्डिएको अवस्थामा मृत फेला परेका थिए भने श्रीमती खाटमा फेला परेकी थिईन् ।

श्रीमतीको शरीरका विभिन्न भागमा चोट देखिएको इलाका प्रहरी कार्यालय पिपराले जनाएको छ ।

घटनाको प्रकृति हेर्दा श्रीमान्–श्रीमतीबीच झगडा भई श्रीमतीको हत्या गरी श्रीमान्ले आत्महत्या गरेको हुन सक्ने प्रहरीको अनुमान छ ।

घटनाबारे थप अनुसन्धान भइरहेको प्रहरीले जनाएको छ ।