इलाम । प्रतिनिधिसभा इलाम क्षेत्र नम्बर २ मा निर्वाचित नेकपा एमालेका उम्मेदवार सुहाङ नेम्वाङको विजयी जुलुसबाट फर्किएको पिकअप गाडी दुर्घटनामा परेको छ ।

इलाम बजारको सभामा सहभागी बनेकाहरूलाई लिएर फर्किरहेको को २ च ४४७ नम्बरको पिकअप गाडी मंगलवार साँझ इलाम नगरपालिका ५, बिब्ल्याँँटेमा दुर्घटना हुँदा १९ जना घाइते भएका छन् ।

घाइतेमध्ये तीन जनाको अवस्था गम्भीर रहेको प्रहरीले जनाएको छ ।

उनीहरूलाई उपचारका लागि झापाको विर्तासीटी अस्पताल पठाइएको जिल्ला प्रहरी कार्यालय इलामले जनाएको छ ।

इलाम नगरपालिका ५ का पिकअप चालक राजन खत्रीलाई प्रहरीले नियन्त्रणमा लिएको छ ।