दाङ । बसको ठक्करबाट शुक्रबार दाङमा एक जनाको मृत्यु भएको छ ।

बबई गाउँपालिकाको चरकमटियाबाट जन्ती लिन काशीपुरतर्फ जाँदै गरेको ना ४ ख ६९४९ नम्बरको बसले शान्तिनगर–५ काशीपुरमा ठक्कर दिँदा नाम थर नखुलेका एक पुरुषको मृत्यु भएको हो ।

दुर्घटनामा सख्त घाइते ती पुरूषलाई राप्ती प्रादेशिक अस्पताल तुलसीपुर ल्याइएकोमा डाक्टरले मृत घोषणा गरेका थिए ।

ठक्कर दिने बस चालक बबई गाउँपालिका–७ का ३२ वर्षीय अमरबहादुर चौधरीलाई नियन्त्रणमा लिएर घटनाबारे थप अनुसन्धान थालिएको इलाका प्रहरी कार्यालय तुलसीपुरले जनाएको छ ।