एजेन्सी । भारतमा लोकसभा चुनावको पहिलो चरणको मतदान सुरु भएको छ । लोकसभाको ५४३ सिटका लागि डेढ महिना लगाएर सात चरणमा चुनाव हुनेछ ।

विश्वको सबैभन्दा ठूलो लोकतान्त्रिक अभ्यास मानिने भारतीय चुनावमा २५ सय भन्दा धेरै राजनीतिक दल सहभागी हुँदैछन् ।

भारतीय जनता पार्टी (भाजपा), भारतीय राष्ट्रिय कांग्रेस, आम आदमी पार्टी, द्रविड मुनेत्र कझगम (डीएमके), अखिल भारतीय तृणमूल कांग्रेस (टीएमसी) लगायत मुख्य दलहरुबीच नै प्रतिस्पर्धा हुने अनुमान छ ।

पहिलो चरणमा २१ राज्यका एक सय २ सिटमा मतदान हुन लागेको हो । मतदान बिहान ७ बजेदेखि शुरु भएर बेलुका ६ बजेसम्म चल्नेछ ।