काठमाडौं । नेपालले एसीसी प्रिमियर कपमा हङकङविरुद्ध आक्रामक सुरुवात गरेको छ ।

११५ रनको लक्ष्य पछ्याएको नेपालले ५ ओभरमा एक विकेट गुमाएर ७० रन बनाएको छ ।

नेपालका कुशल भुर्तेल १९ बलमा ३ चौका र २ छक्कासहित ३२ रनमा आउट भए । आसिफ शेख १४ बलमा ३७ रन बनाएर क्रिजमा छन् ।

त्यसअघि अल अमरेत क्रिकेट ग्राउण्ड १ मा टस हारेर पहिला ब्याटिङको निम्तो पाएको हङकङ १७.५ ओभरमा ११४ रनमा अल अल आउट भएको थियो ।

कप्तान निजाकत खानले २६ बलमा ४ चौका र १ छक्कासहित सर्वाधिक ३४ रन बनाए ।

नेपालका अभिनाश बोहराले ३, ललित राजवंशी र दीपेन्द्रसिंह ऐरीले २/२ विकेट लिए ।