धनकुटा । साँगुरीगढी गाउँपालिका-१० का ४४ वर्षीय केशरमान राई मृत अवस्थामा फेला परेका छन् ।

गत चैत २५ गतेदेखि बेपत्ता भएका उनी खोज तलास गर्दै जाने क्रममा सोही वडामा पर्ने साकेरा भीरमा लडेको अवस्थामा आज दिउँसो करिब ३ बजे फेला परेका हुन् ।

शव पोस्टमार्टमका लागि धरानस्थित विपी कोइराला स्वास्थ्य विज्ञान प्रतिष्ठानमा पठाइएको जिल्ला प्रहरी कार्यालय धनकुटाले जनाएको छ ।

प्रहरीले अनुसन्धान गरिरहेको छ ।