वीरगञ्ज । उपप्रधान तथा गृहमन्त्री रवि लामिछानेले प्रहरी प्रशासनलाई दुरूपयोग गर्न खोज्नेको सदस्यता नै खारेज गरिने चेतावनी दिएका छन् ।

पार्टी कार्यकर्तालाई बिहीबार वीरगञ्जमा सम्बोधन गर्दै मन्त्री लामिछानेले यस्तो चेतावनी दिएका हुन् । पार्टीलाई दबाब र प्रभावमा पार्ने, अनुचित फाइदा लिन खोज्ने र प्रहरी/प्रशासनलाई दुरूपयोग गर्न खोज्नेको सदस्यता नै खारेज गरिने उनले बताए ।

उनले आफूहरु सरकारमा देश र जनताका पक्षमा काम गर्न गएकाले व्यक्तिगत लाभ र हानीको काम लिएर कोही पनि नआउन चेतावनी दिए ।

लामिछानेले रास्वपाका नेतारसदस्यले कानून बर्खिलाप काम गरे तिनलाई अरुलाई भन्दा बढी कारबाही गरेर जानकारी गराउन प्रहरी/प्रशासनलाई पनि आग्रह गरे ।