लमजुङ । पौडी खेल्ने क्रममा मर्स्याङ्दी नदीले बगाउँदा लमजुङमा एक जना बेपत्ता भएका छन् ।

जुम्लाको सिंजा गाउँपालिका-१ घर भएका नन्दबहादुर आचार्यलाई मर्स्याङ्दीले बगाएको हो ।

मंगलबार दिउँसो आचार्यलाई मर्स्याङ्दीले बगाएको उनका साथीहरुले बताएका थिए।

सुन्दरबजार नगरपालिका ९ भोटेओडारको फूलबारी नजिकै मर्स्याङ्दी नदीमा पौडी खेल्ने क्रममा उनलाई बगाएको जिल्ला प्रहरी कार्यालय लमजुङले जनाएको छ ।

प्रहरीले आचार्यसँगै उनका साथीहरु सिंजा गाउँपालिका १ घर भएका ३४ वर्षीय पूर्णबहादुर राउत, ४२ वर्षीय जनक राउत र ४१ वर्षीय नन्दबहादुर शाहीसमेत मर्स्याङ्दीमा गएका थिए ।

प्रहरीका अनुसार आचार्यले मादक पदार्थसमेत सेवन गरेका थिए । जुम्लाबाट आएका उनीहरु गलैंचा बिक्री गर्दै हिँड्ने क्रममा फूलबारी क्षेत्रमा आएर बसेका थिए ।

उनीहरु खाना खाएपछि पौडी खेल्न मर्स्याङ्दीमा गएको र पौडी खेल्ने क्रममा बगाएको प्रहरीले बताएको छ ।