काठमाडौं । नेपाली कांग्रेसका सभापति शेरबहादुर देउवाले आगामी निर्वाचनमा एक्लै बहुमत ल्याउनेगरी लाग्न नेता कार्यकर्तालाई निर्देशन दिएका छन् ।

कांग्रेस काठमाडौं क्षेत्र नं २ को क्षेत्रीय सम्मेलनलाई सम्बोधन गर्दै सभापति देउवाले यस्तो निर्देशन दिएका हुन् । उनले पार्टीभित्र एकता कामय राख्न आग्रह गरे ।

अब पार्टीभित्र एक भएर एक्लै बहुमत ल्याउनुपर्ने अवस्था भएको सभापति देउवाले बताए ।

सबै साथीहरु एकजुट भएर पार्टीलाई बहुमत ल्याउने प्रयास गर्नेमात्रै होइन, कम्मर कसेर लाग्न समेत सभापति देउवाले अनुरोध गरे ।