काठमाडौं । ललितपुर जिल्लाको हात्तिवनस्थित एक कारखानामा आगलागी भएको छ ।

ललितपुर महानगरपालिका-२३ स्थित सिक्मा मेटल इन्टेक्समा आगलागी भएको हो ।

आगलागीमा परेर एक जनाको मृत्यु भएको छ । जलेको अवस्थामा फेला परेको शवको पहिचान खुल्न सकेको छैन ।

यसका सञ्चालक कृष्ण लेत्फे र भीम लेत्फे रहेको जिल्ला प्रहरी परिसर ललितपुरले जनाएको छ ।

विद्युत् सर्ट भएर आगलागी भएको हुनसक्ने प्रहरीको प्रारम्भिक अनुमान रहेको छ ।