काठमाडौं । त्रिकोणात्मक टी–२० क्रिकेट शृंखला खेल्न हाल भारत भ्रमणमा रहेको नेपाली टोलीले गुजरातविरुद्ध पहिले ब्याटिङ गर्ने भएको छ ।

गुजरातले टस जिती नेपाललाई पहिले ब्याटिङको निम्तो दिएको हो । खेल नेपाली समय अनुसार, दिउँसो २ः४५ बजे सुरु हुनेछ ।

नेपाली टिममा दुई परिवर्तन गरिएको छ। दीपेन्द्रसिंह ऐरी र करण केसीको स्थानमा विवेक यादव र प्रतिश जिसीले स्थान पाएका छन्।

जारी त्रिकोणात्मक शृंखलामा नेपालको यो तेस्रो खेल हो । यसअघि खेलिएको दुबै खेलमा नेपाल विजयी भएको थियो ।

नेपालले पहिलो खेलमा गुजरातलाई र दोस्रो खेलमा बरोडालाई हराएको थियो । लिग चरणमा तीनवटै टोलीले एक-अर्कासँग दुईदुई खेल खेल्नेछन् ।